ԳԼՈՒԽ 10. ՓԼ/ԱՖ ԴԵՄ ՊԱՅՔԱՐԻ ԳՈՐԾԸԹԱՑՈՒՄ ԸՆԿԵՐՈՒԹՅԱՆ
ԿԱՌԱՎԱՐՄԱՆ ՄԱՐՄԻՆՆԵՐԻ ԴԵՐՆ ՈՒ ԳՈՐԾԱՌՈՒՅԹՆԵՐԸ
10.1. Ընկերության Ընդհանուր ժողովը և գործադիր տնօրենը պատասխանատու են ՓԼ/ԱՖ կանխարգելման քաղաքականության սահմանման, ներքին արդյունավետ համակարգի ձևավորման և դրա ընդհանուր ու ընթացիկ հսկողության համար:
10.2. ՓԼ/ԱՖ կանխարգելման ոլորտում Ընկերության Ընդհանուր ժողովը.
- հաստատում է Ընկերության ՓԼ/ԱՖ դեմ պայքարի Կանոնակարգը,
- անհրաժեշտության դեպքում նախաձեռնում է Ներքին դիտարկումների մարմնի ուսումնասիրություններ, հաստատում է
աուդիտորական կամ այլ ստուգումների արդյունքում բացահայտված համակարգային թերությունների վերացմանն ուղղված միջոցառումները և վերահսկում դրանց կատարումը, - հսկում է ՓԼ/ԱՖ կանխարգելման ներքին համակարգի արդյունավետության ուսումնասիրության իրականացումը,
- հավանություն է տալիս (կամ մերժում է) Ընկերության գործադիր տնօրենի ներկայացրած Ներքին դիտարկումների մարմնի
աշխատակիցների թեկնածուների նշանակման (կամ հեռացման) հարցին,
10.3.ՓԼ/ԱՖ դեմ պայքարի գործընթացում Ընկերության գործադիր տնօրենը
- ապահովում է ընդհանուր ժողովի կողմից սահմանված ՓԼ/ԱՖ դեմ պայքարի քաղաքականության և դրա հիման վրա ընդունված ներքին իրավական ակտերի և ընթացակարգերի ամբողջական և արդյունավետ ներդրումն ու դրանց անընդհատ և արդյունավետ իրականացումը,
- կազմակերպում է միջոցառումներ Ընկերության աշխատակիցների կողմից ՓԼ/ԱՖ դեմ պայքարի Օրենքի, ներքին իրավական ակտերի, ինչպես նաև էթիկայի կանոնների լիարժեք տիրապետումն ապահովելու համար,
- աջակցում և ապահովում է հաճախորդի պատշաճ ուսումնասիրության, այդ թվում` պարզեցված կամ հավելյալ ուսումնասիրության, ընթացիկ մոնիտորինգի, ինչպես նաև տեղեկատվության հաշվառման, հավաքագրման ու թարմացման իրականացումը,
- կազմակերպում է Ներքին դիտարկումների մարմնի անհրաժեշտ նյութատեխնիկական ապահովվածությունը,
- Ներքին դիտարկումների մարմնի հետ մեկտեղ մշակում և հաստատում է իր աշխատակիցների` ՓԼ/ԱՖ դեմ պայքարի ոլորտում պատշաճ ուսուցման և վերապատրաստման գործընթացը,
- իրականացնում է Ներքին դիտարկումների մարմնի կողմից կատարված ուսումնասիրությունների, աուդիտորական կամ այլ ստուգումների արդյունքում բացահայտված թերությունների վերացմանն ուղղված միջոցառումները,
- ընդհանուր ժողովի համաձայնությամբ նշանակում և աշխատանքից ազատում է Ներքին դիտարկումների մարմնի ղեկավարին և աշխատակիցներին,
- Ներքին դիտարկումների մարմնի հետ մեկտեղ ապահովում է իր աշխատակիցների` ՓԼ/ԱՖ դեմ պայքարի ոլորտում պատշաճ ուսուցումը և վերապատրաստումը,
- կազմակերպում և ապահովում է Ներքին դիտարկումների մարմնի ղեկավարի և աշխատակիցների պարբերական ուսուցումն ու վերապատրաստումը,
- հաստատում է բարձր ռիսկի չափանիշներին համապատասխանող հաճախորդների հետ գործարար հարաբերության կնքումը,
- որոշումներ է կայացնում Ներքին դիտարկումների մարմնի և/կամ Սպասարկող ստորաբաժանումների կողմից բարձրացրած ՓԼ/ԱՖ ոլորտին առնչվող հրատապ հարցերի վերաբերյալ,
- քննարկում և անհրաժեշտության դեպքում համապատասխան իրավասու մարմնի քննարկմանն է ներկայացնում ՓԼ/ԱՖ ոլորտին առնչվող Ներքին դիտարկումների մարմնի կողմից ներկայացված խնդիրներն ու առաջարկությունները: