ԳԼՈՒԽ 11. ՓԼ/ԱՖ ԴԵՄ ՊԱՅՔԱՐԻ ԳՈՐԾԸԹԱՑՈՒՄ ԸՆԿԵՐՈՒԹՅԱՆ
ԿԱՌԱՎԱՐՄԱՆ ՄԱՐՄԻՆՆԵՐԻ ԴԵՐՆ ՈՒ ԳՈՐԾԱՌՈՒՅԹՆԵՐԸ
11.1. Ներքին դիտարկումների մարմինը ոչ ուշ քան կիսամյակը մեկ անգամ,մինչև կիսամյակին հաջորդող ամսվա 15-ը (եթե այլ բան նախատեսված չէ Ընկերության ներքին իրավական ակտերով և/կամ Ընդհանուր ժողովի պահանջով) կազմում և Ընկերության Ընդհանուր ժողովին է ներկայացնում Օրենքով և ներքին իրավական ակտերով սահմանված հաշվետվությունները:
11.2. Ներքին դիտարկումների մարմնի կողմից Ընկերության Ընդհանուր ժողովին ներկայացվող կիսամյակային հերթական հաշվետվությունը նվազագույնը ներառում է.
- պարտադիր տեղեկացման ենթակա գործարքների թիվը,
- կասկածելի գործարքների (գործարար հարաբերությունների) թիվն ու համառոտ նկարագրությունը,
- այն գործարքների և գործարար հարաբերությունների թիվը և ամփոփ նկարագրությունը, որոնց վերաբերյալ իրականացվել են վերլուծություններ, սակայն չեն ներկայացվել որպես կասկածելի գործարքներ կամ գործարար հարաբերություններ,
- կասեցված կամ իրականացումը մերժված գործարար հարաբերությունների և գործարքների թիվը և համառոտ նկարագրությունը,
- կասեցված գործարքների արժեքը,
- սառեցված ֆինանսական միջոցների չափը,
- ՓԼ/ԱՖ դեմ պայքարին առնչվող այլ հարցեր և տեղեկություններ,
- Ընկերության Ընդհանուր ժողովի կողմից պահանջվող այլ տեղեկատվություն: